Wosadny wopon

Wopon gmejny Pančicy-Kukow so na slědowace wašnje wopisuje:

Srjedźišćo wopona twori silueta daloko za gmejnske hranicy znateho klóštra Marijineje hwězdy. Klóšter Stankt Marijina hwězda je znamjo jónkrótnosće gmejny Pančicy-Kukow a wokolnych wsow.

Módra płonina symbolizuje přez gmejnu běžacu Klóštersku wodu, zelene płoniny ratarski a hórkaty raz regiona.

Gmejna Pančicy-Kukow nadeńdźe so w dwurěčnym němsko-serbskim sydlenskim rumje. Lipowe łopješko, kotrež so w hornim dźělu wopona zaso namaka, je typiske serbske markowe znamjo, kotrež so tež wot třěšneho zwjazka Serbow, Domowiny, wužiwa. Lipowe łopješko steji za tradicije a rěč serbskeho podźěla wobydlerstwa gmejny. Łopjeno němskeho duba steji za němski dźěl wobydlerstwa w němsko-serbskim gmejnskim teritoriju. Lipowe a dubowe łopješko zhromadnje symbolizujetej dwurěčne zhromadne žiwjenje w gmejnje Pančicy-Kukow.