Jutrowne jěchanje
| Procesion | Jěchanje | Domojjěchanje |
|---|---|---|
|
Budyšin |
wot Budyšina: 10:30 hodź. |
wot Radworja: 14:45 hodź. |
|
Ralbicy |
wot Ralbic: 09:15 hodź. w Kulowje: 12:15 hodź. |
wot Kulowa: 15:15 hodź. w Ralbicach: 18:00 hodź. |
|
Kulow |
wot Kulowa: 09:20 hodź. |
wot Ralbic: 15:00 hodź. |
|
Chrósćicy |
wot Chrósćic: 12:15 hodź. |
wot Pančicy-Kukow: 14:30 hodź. |
|
Pančicy-Kukow |
wot Pančicy-Kukow: 12:45 hodź. |
wot Chrósćic: 15:00 hodź. |
|
Radwor |
wot Radworja: 11:45 hodź. |
wot Baćonja: 15:30 hodź. |
|
Baćoń |
wot Baćonja: 11:45 hodź. |
wot Radworja: 15:30 hodź. |
|
Njebjelčicy |
wot Njebjelčic: 12:00 hodź. |
wot Wotrowa: 15:30 hodź. |
|
Wotrow / |
wot Wotrowa: 12:00 hodź. |
wot Njebjelčic: 15:30 hodź. |
Wopisanje
Nałožk jutrowneho jěchanja (Felddumreit) pěstuja w dźensnišim času wšitke serbsko-katolske wosady: Budyšin, Ralbicy, Kulow, Chrósćicy, Pančicy-Kukow, Radwor, Baćoń, Njebjelčicy a Wotrow.
Woni wozjewjeja wjesołe poselstwo zrowastanjenja našeho Knjeza Jezusa Chrystusa.
W přihotach tutoho swjateho dnja so konje rjedźa, włosy pletu a sudobjo na wysoki błyšć polěruja.
Někotři jěcharjo pyša konje z kwětkami, druzy maja konjacy grat z mušlemi.
Z kwětkowymi ornamentami wudebjena sekla pyši wopuch konja. Hdyž je tuta sekla w čornoběłych dźeržana, woznamjenja to, zo je w swójbje žarowanski pad zastupił.
Jěchar sam je tež swjedźensce zdrasćeny: z cylindrom, běłej košlu, čornej muchu abo krawatu, jěchanskimi škórnjemi, druhdy tež běłymi rukajcami a čornej suknju woswjeći wón hódnje tutón swjaty dźeń.
Zeleny wěnčk woznamjenja, daß wón prěni raz sobu jěcha.
Slěborny wěnčk woznamjenja, ale wón 25. raz sobu jěcha.
Złoty wěnčk woznamjenja, daß 50. raz sobu jěcha.
Ručež je sedźał a z dwora jěchać móže, žohnuje hospoza ze swjećenej wodu jěcharjow ze słowami: “Bože žohnowanje a dobry nawrót ” –„ Bože žohnowanje a dobry nawrót “.
Před cyrkwju so křižerjo po porach hromadźa. Farar přepodawa jim cyrkwinske chorhoje, postawu Zrowastanjeneho a swjaty křiž. Ze słowami: „Njesće poselstwo zrowastanjeneho Chrystusa do susodneje wosady!“ – „Jěchajće do susodneje wosady a wozjewće: Chrystus je z rowa stanył!“ sćele ju na puć.
Po třikróćnym jěchanju wokoło Cyrkwinskeho naměsta podadźa so modlo a spěwajo do susodneje wosady. Po starym wašnju njesmědźa so jednotliwe procesiony zetkać. W susodnej wosadźe so křižerjo z kofejom a tykancom (při dlěšich čarach tež z wobjedom) pohosća. Do ródneje wosady zaso dojěwši, wuklinči jutrownička z modlitwu a jutrownym spěwanjom.
W putniskej cyrkwi Róžant swjeća křižerjo wšěch wosadow jutrownu wutoru dźaknu Božu mšu.
Parkowanišća
Prošu wužiwajće wupokazane parkowanišća we wotpowědnych městnach. Dalše informacije dóstanjeće w gmejnskich zarjadach abo na městnje.
